晚上約了早前在單身派對認識的女子食飯。記得大家只曾閒談五、六分鐘，再加少少網上 MSN。今日見面，可能會無咩話題。呢刻連晚餐地點都尚未決定，會唔會無咩盛意呢?
因為大家下班時間不一，都預左要等下人。做男仔等女仔其實係應份既，咪當行下商場打下書釘、睇下玩具，除左間中個肚打下鼓，時間都算過得好快。
見面一刻，有點失望，因為以為佢會著得靚D，而唔係普通牛仔褲一族。揀左間餐廳食晚飯，不過全程都係得我食，佢好似練仙咁周圍望。
可能大家係初相識，雖未至話無話題，但間中感覺有點悶。食完飯，又搵左間cafe坐底傾陣計，就各自回家。唔知會唔會再見呢?
2009年2月14日星期六
Party
參加左個黃昏Party，差唔多夠鐘先去到現場。一早預左年齡層會有距離，尤其自己成個大唔透咁。上到會場，氣氛同還境都唔係幾好。地方細，人又多，做攪手既就好賺，但參加者就谷住一肚氣。
唔理你目的為乜，最重要都係質素得唔得。講真去完一晚，開始明點解話，香港男仔唔得，個個都一舊目咁唔出聲。講真一句，一圍枱唔理好醜，大家傾下計，有少少交流，都算係盡番少少男士應有既風度。下下你眼望我眼，不哭死神咁款，唔變天煞孤星都難。唔怪得臨走出電梯口，眾女劈頭第一句就係話:-『完全唔得，搵野食下好過』。
又講下自己，好怕有一日都會變木頭。雖則口才唔算好，都叫做肯講下野。但無胆呢個問題，真係咁多年都戒唔到。所以情人節都係一個人食老麥囉!
唔理你目的為乜，最重要都係質素得唔得。講真去完一晚，開始明點解話，香港男仔唔得，個個都一舊目咁唔出聲。講真一句，一圍枱唔理好醜，大家傾下計，有少少交流，都算係盡番少少男士應有既風度。下下你眼望我眼，不哭死神咁款，唔變天煞孤星都難。唔怪得臨走出電梯口，眾女劈頭第一句就係話:-『完全唔得，搵野食下好過』。
又講下自己，好怕有一日都會變木頭。雖則口才唔算好，都叫做肯講下野。但無胆呢個問題，真係咁多年都戒唔到。所以情人節都係一個人食老麥囉!
訂閱：
留言 (Atom)
