Party

參加左個黃昏Party，差唔多夠鐘先去到現場。一早預左年齡層會有距離，尤其自己成個大唔透咁。上到會場，氣氛同還境都唔係幾好。地方細，人又多，做攪手既就好賺，但參加者就谷住一肚氣。

唔理你目的為乜，最重要都係質素得唔得。講真去完一晚，開始明點解話，香港男仔唔得，個個都一舊目咁唔出聲。講真一句，一圍枱唔理好醜，大家傾下計，有少少交流，都算係盡番少少男士應有既風度。下下你眼望我眼，不哭死神咁款，唔變天煞孤星都難。唔怪得臨走出電梯口，眾女劈頭第一句就係話:-『完全唔得，搵野食下好過』。

又講下自己，好怕有一日都會變木頭。雖則口才唔算好，都叫做肯講下野。但無胆呢個問題，真係咁多年都戒唔到。所以情人節都係一個人食老麥囉!